濫到爛

謎 面 是 ： 香 港 特 色 ， 猜 一 字 。
好 ， 現 在 開 始 「 U 猜 ─ 競 估 時 段 」 ， 歡 迎 落 盤 ， 有 殺 冇 賠 ， 猜 輸 唔 准 喊 。
好 ， 夠 鐘 ， time's up ， brains down ， 別 問 我 ： 「 咁 快 ?! 你 玩 晒 啦 ！ 」 係 呀 ， 我 還 在 操 控 賽 果 o忝 ， 我 睇 新 聞 學 的 ， 小 朋 友 學 東 西 很 快 的 呀 ， 尤 其 是 超 齡 的 小 朋 友 ， 如 我 。
謎 底 是 ： 濫 ， 一 字 記 之 曰 。 濫 者 ， over 也 、 過 份 也 。
不 是 寫 濫 吃 濫 用 濫 取 濫 造 濫 填 海 等 常 見 現 象 ， 不 是 講 濫 吏 贓 官 或 者 我 們 偉 大 的 特 區 政 府 之 各 種 濫 笨 濫 鈍 濫 孝 順 爺 爺 等 更 常 見 現 象 ， 是 想 集 中 談 談 目 下 全 港 （ 甚 至 全 球 ） 的 濫 ─ ─ 「 濫 拍 」 。

濫 拍 ， 拍 照 的 拍 ， 因 為 數 碼 化 ， 不 必 怕 浪 費 菲 林 ， 不 必 怕 難 於 儲 存 ， 於 是 不 必 負 責 任 。 有 事 無 端 ， 死 拍 爛 拍 ， 雞 毛 蒜 皮 頭 髮 尾 ， 芝 麻 綠 豆 螞 蟻 手 ， 狗 shxt 垃 圾 影 一 餐 。 現 世 代 人 手 一 機 甚 至 兩 機 ， 隨 身 相 機 加 手 機 ， 手 機 又 連 相 機 ， 就 手 順 手 ， 死 影 爛 影 。
吃 飯 ， 一 碟 餸 來 ， 咪 住 ！ 影 張 相 先 。 誰 都 不 准 動 不 許 吃 ， 相 機 先 吃 ！ 有 時 還 要 等 一 桌 餸 到 齊 ， 拍 張 全 「 菜 」 福 琳 瑯 滿 目 才 准 吃 ， 凍 晒 啦 ！ 別 告 訴 我 你 沒 有 碰 過 這 些 「 拍 照 強 迫 症 」 ， 由 平 民 食 店 到 頂 級 食 肆 ， 濫 拍 族 無 處 不 在 ， 名 副 其 實 影 相 多 過 食 飯 。 不 必 是 米 芝 蓮 級 才 貌 雙 全 性 感 撩 人 菜 ， 千 人 一 面 油 菜 、 例 湯 例 水 叉 燒 包 、 炸 魚 套 餐 A 一 律 照 單 濫 拍 。 拍 照 拍 照 拍 照 ， 餐 餐 飯 都 拍 樣 樣 餸 都 拍 ， 有 拍 錯 冇 放 過 。 上 上 天 下 的 blog 和 facebook ， 相 片 萬 佛 朝 宗 。 好 吃 點 嗎 ？ 思 覺 失 調 嗎 ？ 不 影 相 不 知 自 己 吃 過 什 麼 嗎 ？
濫 拍 成 災 ， 太 無 聊 瑣 碎 ， 拍 照 被 貶 謫 縮 寫 成 不 值 一 文 不 值 一 哂 不 值 一 眨 的 行 為 ， 於 是 相 中 的 影 像 之 重 要 性 和 價 值 也 一 落 千 丈 。 不 必 認 真 ， 隨 便 影 隨 便 放 隨 便 傳 ， 放 上 網 / 電 腦 / 手 機 隨 便 展 覽 埋 嚟 睇 埋 嚟 揀 ， 近 乎 神 經 質 。 生 活 相 、 家 庭 照 、 玉 照 、 艷 照 、 淫 照 、 裸 照 發 給 人 濫 發 唔 使 本 ， 拍 的 輕 率 放 的 輕 率 ， 全 人 類 集 體 輕 率 ， 亂 七 八 奏 影 像 噪 音 。 照 片 的 最 小 紀 念 意 義 都 流 水 落 花 春 去 也 。 珍 惜 ？ 唔 識 。 旅 行 ， 哇 ， 唔 影 相 仲 成 世 界 嘅 。 不 拍 照 就 沒 去 過 旅 行 ， 拍 照 是 旅 遊 的 指 定 動 作 ， 唔 做 就 死 ， 做 得 不 夠 多 就 蝕 ， 彷 彿 不 夠 戰 利 品 、 不 夠 到 此 一 遊 的 證 據 。 幾 多 人 ， 全 程 去 到 那 裏 ， 眼 睛 都 放 在 鏡 頭 後 ， 拍 照 拍 到 忘 了 亞 媽 是 誰 ， 我 懷 疑 他 們 有 沒 有 第 一 身 感 受 過 相 機 viewfinder 丁 方 畫 面 外 風 吹 過 睫 毛 、 花 香 曳 過 鼻 端 的 時 刻 ， 有 沒 有 「 親 眼 」 看 過 那 些 人 情 風 光 。
人 們 過 度 倚 賴 相 機 來 看 世 界 ， 濫 拍 而 得 為 影 而 影 的 多 不 勝 看 影 像 ， 有 幾 多 逃 得 過 爛 在 冷 宮 過 後 無 人 問 津 的 荒 涼 命 運 。
Susan Sontag 在 《 On Photography 》 說 攝 影 "is mainly a social rite, a defense against anxiety and a tool of power" 和 "a way of certifying experience" ， 又 說 去 旅 行 拚 命 拍 照 ， 是 工 作 後 遺 症 令 都 市 人 在 旅 遊 時 一 樣 有 「 做 咗 嘢 」 和 「 有 交 代 」 的 安 全 感 。 蒼 涼 過 百 年 孤 樹 的 人 性 悲 哀 。
相 片 ， 斷 裂 的 影 像 在 肢 解 現 實 的 面 貌 ， 已 經 太 瑣 碎 太 言 不 及 義 ， 是 生 活 真 證 據 ， 也 是 生 活 假 證 供 。
安 全 感 夠 多 ， 就 不 必 活 過 的 情 如 物 證 ， 我 寧 可 把 生 命 時 刻 在 腦 中 曝 光 ， 在 心 中 沖 印 ， 在 記 憶 硬 盤 永 久 貯 存 ， 有 體 溫 有 生 命 的 ， 把 它 常 保 新 鮮 。 別 讓 事 情 過 了 ， 記 憶 就 涼 。

畢明